ВМРО-ДПМНЕ реагира на прес конференцијата на СДСМ.СДСМ , велат, два дена се мачи да најде оправдување за тврдењата на Љубомир Магаш дека Бранко Црвенковски и Љубомир Фрчковски биле директни учесници во договарањето на шверц на нафта во Македонија.
„За тоа дека постоел шверц не сведочи само Магаш, туку сведочат и СтојанАндов и Љубчо Георгиевски во многу своиизјави, тие денес се коалиција на Бранко Црвенковски. Го прашуваме СДСМ, акоМагаш лаже и ако Магаш зборува само затоа што е криминалец, дали и Андов и Љубчо лажат и дали и тие зборуваат само заради тоа што учествувале во криминал? Ако Магаш е криминалец дали Андов и Љубчо се криминалци исто така? “, прашува ВМРО-ДПМНЕ.
Точните факти, точните датуми, точните имиња на луѓето, точните локации на ресторани и хотели, каде се одржувале овие средби се податоци и аргументи, кои велат, не можат да се избришат.
„Колеги од СДСМ не се обидувајте да ја отргнете одговорноста со мачо изјави и шегаџиски прес конференции, зошто тоа не е одговорно однесување. Понесете ја моралната и политичката одговорност и конечно дајте одговор, зошто додека сите држави од Централна и Источна Европа се занимаваа со реформи, со брзо напредување на економијата и странски инвестиции, лобирање за интегрирање во НАТО и ЕУ, државното раководство на Македонија се занимавало со шверц, приватизација и партизација? Додека истите луѓе ја водат СДСМ што ја водеа државата во деведесеттите години никогаш неможете да ја тргнете одговорноста од себе“, реагираат од ВМРО-ДПМНЕ.