Денеска во Истанбул почна судскиот процес против повеќе од 20 антивладини активисти, обвинети дека ги организирале минатогодишните протести против реконструкција на паркот Гези на централниот плоштад Таксим.
Меѓу 26 члената група „Солидарност Таксим“ се лекари, архитекти и инженери. Тие се обвинети за здружување во криминална група, кршење на јавниот ред и организирање противзаконски протести преку Интернет, поради што се соочуваат со можна казна до 29 години затвор.
Протестите во јуни минатата година почнаа како мал еко протест поради уривањето на истанабулскиот парк и брзо прерасна во масовни демонстрации против авторитарниот стил на владеење на турскиот премие Реџеп Тајип Ердоган.
За време на протестите и нивното брутално полициско задушување загинаа најмалку осум лица, а повредени беа приближно 8.000 луѓе.