Фактите зборуваат дека акциите на „Македонска банка“ биле под контрола на ВМРО-ДПМНЕ во сите три години, а Груевски како лидер на партијата е единствениот кој можел да договори продажба на акциите, се вели во мајскиот извештај на невладината организација „Транспарентност Македонија“ за состојбата со борбата против корупцијата и криминалот во државата.
– Дури и да не се занимаваме со автентичноста на објавените снимки од телефонските разговори, сите индиции покажуваат дека Груевски е еден од оние што зборуваат на нив. Надлежните органи немаат волја да покренат постапка за овој случај и додаваат дека лесно може да се лоцира одговорноста за продажба на банката, независно од аудио снимката која ја објави СДСМ, стои во извештајот.
Во врска со продажбата „Македонска банка“, од „Транспарентност Македонија“ оценуваат дека јавниот обвинител Марко Зврлевски нема речиси никакви аргументи за непостапување за случајот.