Состанок на заменици началници на Генералштабови, на кој учествуваат делегации на 14 држави, во рамки на Процесот на соработка на министри за одбрана на земји од Југоисточна Европа (СЕДМ), ќе се одржи денеска во Белград.
На средбата учествуваат делегации на 14 земји – Македонија, Албанија, БиХ, Бугарија, Грција, Италија, Романија, Турција, САД, Словенија, Србија, Хрватска и Црна Гора, како и делегација на Грузија, како земја набљудувач во СЕДМ.
Иницијативата СЕДМ е покрената на предлог на САД во 1996 година, со намера на јакнење на соработката на земјите од ЈИЕ и САД на планот на одбраната.
Основна цел на СЕДМ е интензивирање на разбирањето и политичко-воената соработка во ЈИЕ заради јакнење на стабилноста и безбедноста во регионот.