За односите во коалицијата став од пратеникот и директор на центарот за комуникации на ВМРО-ДПМНЕ, Илија Димовски.
„ Разликите кои што постојат по однос на одредени политички прашања се исто така, и понатаму актуелни. Ќе видиме низ разговори во следниот период како ќе се развиваат работите, контактите постојат“, изјави Димовски.
Димовски нема информација дали имало средба Груевски-Ахмети, и не може да каже кога би дошло до таква средба.
Димовски смета дека носењето на законот за бранители не е бликрано.
„Тие користат со Деловник овозможени права во расправата. Ние и понатаму остануваме на ставот дека тој закон е позитивен и дека македонскиот Парламент треба да го донесе“, рече Димовски.
ДУИ со маратонски дебати се обидува да го одолговлечи носењето на законот, од ВМРО-ДПМНЕ бараат или да го повлечат законот, или во него да вметнат одредби со кои правата предвидени за бранителите и нивните семејства, би се однесувале и на припадниците на ОНА:
Илија Димовски, денеска го повтори ставот дека нема да го повлечат Законот за правата на безбедносните сили и нивните семејства, чиј предлагач е пратеничката група на ВМРО-ДПМНЕ.