Шпанскиот крал Хуан Карлос, по 39 години владеење одлучи да ја напушти власта и својата круна да му ја предаде на својот син, принц Филип.
Меѓутоа сето внимание е насочено кон неговото семејство и неубедливиот брак, бидејќи пред две години излезе книга во која авторката Пиљар Еире наведе дека кралот спиел со 1.500 жени и дека со својата сопруга не е во добри односи, веќе 35 години.
Во Мадрид јавна тајна е дека кралот Хуан Карлос е љубител на жени, а единствена жена со која поминува сосема малку време е неговата сопруга Софија, чиј што брат е поранешен крал на Грција, Константин Втори.
Во книгата Еире откри многу пикантерии од интимниот живот на кралот на Шпанија.
Во неа стои и дека кралот чувствувал симпатии кон починатата британска принцеза Дајана, која тогаш имала само 25 години. Наводно тој и се додворувал на Дајана, кога таа, принцот Чарлс и нивните синови ги поминувале празниците во кралската палата на Мајорка, како гости на кралот Хуан Карлос и кралица Софија.
Принцезата од Велс секогаш негирала дека некогаш се случило нешто меѓу нив, но признала дека Хуан Карлос бил толку шармантен, што понекогаш можеби и претерувал со вниманието кое и го посветувал.
Е. Г.