Во Нов и Стар Дојран утре, во временскиот период од 9 до 14 часот, ќе има прекин во испораката на вода до корисниците.
Од Јавното комунално претпријатие информираа дека водоснабдувањето ќе биде прекинато поради инсталирање на нови мерно-регулациски шахти со кои во иднина ќе се зголеми квалитетот на испорака на вода и ќе се избегнат дефектите кои беа честа појава во изминатиот период.
– Со поставувањето на овие шахти во општина Дојран ќе се постигне регулирање на водата во цевководот, потрошувачката и притисокот на водата со што ќе се избегнат и дефектите кои до сега се јавуваа поради немањето вода на територијата на цела општина,особено во летниот период, изјави Никола Лазаров, директор на ЈПКД „Комуналец-Полин“.
Зафатот чини 220.000 евра што ги обезбеди Министерството за транспорт и врски на Македонија преку Светската банка.