Министерството за образование и наука (МОН) и Државниот испитен центар во целост ги прифаќаат укажувањата на Дирекцијата за заштита на личните податоци во врска со содржината на распоредите за екстерното тестирање коишто се објавуваат во училиштата и на интернет страницата prasanjaeksterno.dic.edu.mk, соопшти попладнево МОН.
Од Министерството за образование информираат дека веќе е пристапено кон промена и соодветно прилагодување на апликативниот софтвер од интегрираниот информатички систем за електронско тестирање, со цел да се изврши корекција на распоредите коишто се генерираат за процесот на екстерното тестирање.