Во поплавените региони низ Србија веќе почнуваат да се регистрираат први случаи на дијареја и висока температура, причинети од лоша хигиена поради недостигот на чиста вода, пишува весникот „Блиц“.
Во одделни времени центри за сместување има вошки и краста. Епидемиолозите предупредуваат дека постои можност за појава на многу болести по поплавите.
Најголема закана се болести, што се пренесуваат од комарци, кои според ситуацијата на теренот, годинава ќе бидат во голем број, наведува весникот.
Нема да биде необично ако во Србија се појават случаи на маларија, денга и западнонилска треска. Стаорците, кои сега се спуштаат во населените места во потрага по храна, носат закана од лептоспироза и хеморагична треска, предупредуваат епидемиолозите.