Министерот за труд и
– Ова е третиот Инфо клуб, кој го отвораме со цел да ги доближиме сите релевантни информации за слободни работни места за можности за вработување, за сите активни мерки и политики за вработување, кои што ги реализираме како Влада на Република Македонија до младите кои што студираат на универзитетите, со оглед на тоа што тие се во завршните дел од својот образовен процес. Преку вакви и слични активности сакаме како што е мобилната апликација и веб-серверот да ги добижиме сите информации за можностите кои што ги имаат младите во нашата држава за вработување, вели Спасов.
Тој изрази големо задоволство од активната мерка за вработување на младите во македонските фирми, со што се ослободуваат од плаќање на придонеси.
– За околу 76 дена преку оваа мерка се вработени околу 1.637 млади, дневно се вработуваат дневно околу 20-тина луѓе до 29 години. Ова е мерка што ќе биде во примена во текот на наредните две години, рече Спасов.
Тој најави дека во текот на наредниот период ќе промовираат и нова кредитна линија со поволен грејс-период и ниска камата, која ќе биде насочена за младите до 29 години за да можат да реализирајќи сопствена бизнис идеја, односно да се самовработат.
Ректорот на универзитетот „Гоце Делчев“, Саша Митрев истакна дека новиот Инфо клуб е наменет за младите кои што го завршуваат своето студирање, а со информациите кои ќе им ги нуди ќе можат полсено да дојдат до вработување. Според него, штипскиот универзитет многу посветува внимание на делот на праксата, во фирмите, но и во новите современи лабаратории.