По катастрофалните поплави во Србија, реката Дунав однесе дрвја, пластични амбалажи, ладилници, столици, различни предмети и угинати животни се до хидроцентралата „Ѓердап 1“.
– Досега од реката се извадени над 5.000 тони отпад, изјави портпаролот на „Ѓердап 1“, Радисав Чучулановиќ.
За вадењето на отпадот, донесен од водената стихија, бил ангажиран целиот персонал и механизација на централата, брод и два крана.
Во меѓувреме, мерките за вонредна заштита на 120 километри по течението на реката Сава во Србија остануваат во сила, се додека не бидат поправени оштетените насипи на територијата на Хрватска.
Во последните денови Сава во Хрватска проби еден насип и го поплави пограничниот дел меѓу Хрватска и Србија.