Новото продолжение на „Војна на ѕвездите“ кое ќе почне да се прикажува следната година, се снима во Абу Даби, соопшти режисерот Џеј Џеј Абрамс, во кусо видео објавено на Јутјуб.
– Неверојатно е да се биде на ова убаво место, да се работи со овие неверојатни луѓе на филмот. Како многумина од вас, јас сум обожавател на „Војна на ѕвездите“ уште од детството и навистина е фантастично да се работи на овој филм, рече Абрамс.
Филмската екипа во текот на претстојот во Емиратите промовира и хуманитарна работа заедно со УНИЦЕФ, а среќен обожавател ќе добие можност да настапи во филмот, во рамките на таа кампања.