Земјотрес со интензитет од шест степени по Рихтер го погоди денеска источното крајбрежје на Индија, соопшти американскиот Геофизички институт.
Засега нема податоци за повредени и предизвикана материјална штета, ниту е објавена опасност од појава на цунами.
Земјотресот бил на длабочина од 40 километри под морското дно, со епицентар на 275 километри југоисточно од пристанишниот град Парадип, кој се наоѓа на брегот на Бенгалскиот Залив.