Романија може да се претвори во клучна точка, која ги поврзува енергетските пазари од Црно Море до Централна и Источна Европа, ако ја модернизира внатрешната инфраструктура во таа област, изјави американскиот потпретседател Џо Бајден во владината палата, каде разговараше со романскиот премиер Виктор Понта.
– Националната безбедност и енергетската сигурност се нераздвојни во тој дел на светот, а европскиот енергетски пазар треба да биде сигурен, разнообразен, рече Бајден.
Тој истакна дека САД се подготвени да и помогнат на Романија да ги развие нафтоводите за транспорт на нафтени производи.
Бајден истакна и дека Романија може да привлече странски инвестиции и да создава нови работни места преку зацврстување на правната држава.