Во акција на полицијата и Отсекот за прекуграничен криминал, миграции, странци и реадмисија, вчераутро околу 4 часот во угостителските објекти “Бакарди” во Гостивар и “Ориентал Били 97” во Добри Дол, биле затекнати вкупно 21 девојка за кои нелегално престојувале и работеле во земјава.
Според СВР Тетово, акцијата за откривање на лица кои непријавено престојуваат или работат на подрачјето и нивна евентуална инволвираност во трговија со луѓе, затекнати се осум странски државјанки (шест од Република Србија и две од Босна и Херцеговина) и 13 од нашата земја (од Скопје, Куманово, Струмица и Кичево).
Странските државјанки на возраст од 23 до 30 години, во објектите биле ангажирани како пејачки, танчерки, келнерки.
По нивното приведување и задржување во Полициската станица Гостивар, тие се предадени на натамошна постапка во Отсекот за прекуграничен криминал, миграции, странци и реадмисија, а попладнето седум од странските државјанки депортирани се во нивните матични земји, додека една е задржана во Транзитниот центар во Скопје.
