Со велосипедска тура, креирање, оценување и изложба на цртежи од ученици, како и изведба на еколошка претстава за климатските промени и настап на музички групи денеска во Струга ќе биде одбележан Денот на реката Дрим.
На прославата, која се организира истовремено во сите држави кои го делат басенот на Дрим, ќе се обрати и заменик министерот за животна средина и просторно планирање, Стево Темелковски.
Обележувањето на Денот на реката Дрим има за цел да ја истакне желбата на државите кои го делат басенот на Дрим да остварат прекугранична соработка, со цел заштита на водените ресурси и екосистемите.