Во соборниот храм во Белград синоќа се одржа молитва за да запре дождот, на која српскиот патријарх Иринеј ги повика верниците да се молат, со напомена дека дождот и поплавите однеле неколку животи и предизвикале многу проблеми.
Тој истакна дека државата е во голема неволја, со која Господ ги опоменува и повикува на покајание, но и им дава до знаење дека без божјата милост не може да се направи ништо.
-Му се молиме на Господ да ги сопре облаците со дожд и да ни подари сонце. Без неговата милост не може да се направи ништо. Ова не е божија казна, туку само опомена да не одиме по патот на пороците, злобата и беззаконието-рече патријархот.
Тој додаде дека деновиве во Белград се подготвува собир, кој претставува големо беззаконие, со кое се гордеат и го истакнуваат своето достоинство и демократија, а сето тоа е против Господ и законот на природата.
Е. Г.