Иако беше блиску до пласман во полуфиналето на US Open, по 4 и пол часа борба, Јанко Типсаревиќ изгуби од Давид Ферер со 6:3, 6:7 (5), 2:6, 6:3, 7:6 (4).
Во најдобриот меч досега на турнирот и Типсаревиќ и Ферер имаа многу шанси да го добијат, но искусниот Шпанец сепак успеа да дојде до второто полуфинале во Њујорк, по 2007-ма година.
Јанко имаше 60 винери и 58 неизнудени грешки, а Ферер 49 директни поени и 44 грешки.
Во другото четвртфинале Новак Ѓоковиќ го победи Хуан Мартин дел Потро со 3:0 во сетови – 6:2, 7:6 (7-4), 6:4.
Српскиот тенисер го забележа шестиот триумф над Аргентинецот во осум меѓусебни дуели.
Ѓоковиќ имаше 43 директни поени и 28 неизнудени грешки, а Дел Потро 25 винери и 33 грешки.
На ред се полуфиналните мечеви меѓу Томаш Бердих – Енди Мареј и Давид Ферер – Новак Ѓоковиќ.