Транспарентноста и отчетноста се еден стандард, кој што ВМРО-ДПМНЕ го воведе во политиката во Република Македонија.
Тоа е стандард на кој што се базираа нашите политики и нашето политичко дејствување во минатото, тоа е принцип кој што го продолжуваме и денеска и кој што ќе го продолжиме и во иднина.
Денешната акција е во тој правец, продолжуваме она што го најавивме пред некој ден, можност граѓаните да даваат свои идеи, сугестии и предлози до ВМРО-ДПМНЕ, за претстојните локални избори во 2013 година.
Нашата цел е да ги слушнеме тие предлози, да ги разгледаме. Имаме специјално формирана стручна експертска комисија која сериозно со големо внимание ќе ги разгледа сите предлози, идеи и сугестии и врз основа на тоа ќе направи процена што од тоа може да влезе во програмата за следните локални избори.
Оваа е од исклучителено големо значење затоа што ВМРО-ДПМНЕ, при креирањето на програмите се води особенои од аспектот да она што ќе го предвиди во програмата биде остварливо, затоа што и во минатото покажавме дека она што го ветуваме, работиме напорно да го оствариме и го реализираме. И се чуваме на некој начин од давање на нереални ветувања и креирања на нереални очекувања.
Но отворени сме за сите идеи, за сите сугестии и сите предлози кои што со внимание ќе ги разгледаме.