Кенијските маратонци и годинава ги соборија рекордите на традиционалниот 10-ти јубилеен Виз Ер Скопски маратон 2014.
Емануел Самал пристигна прв на целта по истрчани 2.14.24 часа, со што го постави новиот рекорд во Маратонот оставајќи ги зад себе сонародниците Џулиус Кипруто и Даниел Мванги.
Во женска конкуренција, Луси Вамбуи од Кенија очекувано го собори досегашното најдобро време откако ја помина патеката за 2.37.45 часа пред нејзината сонародничка, Росина Кибоино и унгарката, Тунде Шабо.
Најдобар наш маратонец е Александар Кираџиев кој во вкупниот пласман го освои 5. место, а со тоа победи и во бодувањето за домашниот шампионат.