Претседателските и предвремените парламентарни избори беа мирни, фер и демократски, наведува Македонскиот центар за култура и развој во првичната оценка за изборите.
Македонскиот центар за култура и развој во рамки на својот проект „Превенција за време на избори“ спроведе мониторинг на првиот круг од изборите, на периодот помеѓу двата изборни круга, како и на вчерашниот изборен ден.
– Со овие избори, Република Македонија влегува во повисоко ниво на организација и спроведување избори, на идентичен начин како во развиените европски земји, смета Македонскиот центар за култура и развој.
Во тек на мониторингот се посетени штабовите и раководствата на најрелевантните политички партии и е спроведена детална анкета за присуството на превенцијата во вкупниот изборен процес.
