Претпоследен ден од кампањата за вториот круг од претседaтелските избори и предвремените парламентарни избори закажани за в недела. Привршуваат подготовките за изборниот ден.
Државната изборна комисија од печатницата „Крио Дандаро“ од Битола утринава треба да го подигине избирачкиот материјал и во текот на денот и утре да го дистрибуира до општинските изборни комисии. Во сабота е молк, а тогаш гласа дијаспората, затворениците, болните и немоќните, внатрешно раселените и лицата во домашен притвор.
ВМРО-ДПМНЕ денеска ќе одржи митинзи во Пробиштип и во Кочани и посети на Ранковце и Крива Паланка.
Опозициската СДСМ има митинзи во Штип и во Велес и средби со граѓани во Пробиштип, Карбинци, Свети Николе, Штип, Ново Село, Босилово, Василево и Струмица.
ДУИ вечерва одржува митинг во Тетово, а ДПА во Гостивар и во селото Добри Дол.