Украинската државна гранична служба воспоставува контролни пунктови на „линијата на административната граница“ меѓу Херсонската област на југот на Украина и Крим.
Началникот на одделението на службата за соработка со медиумите Олег Слободијан изјави дека тоа, меѓутоа, не е формирање на погранични пунктови, бидејќи, како што рече, не е надлежности на таа служба.
– Таму сега функционираат контролни пунктови, но ако беше донесена таква одлука на ниво на Владата, во согласност со неа ќе ја применуваме, рече тој.
Според Слободијан, Киев за воспоставување на контролата презема „соодветни мерки, носи неопходни тактички средства, организира компјутерска поддршка и останато“.