Дел од корисниците на улицата „Белчишка“ во скопската населба Ѓорче Петров утре од 12 до 13:30 часот ќе останат без струја.
Во оваа општина од 11 до 15 часот без електрична енергија ќе биде и дел од улицата Ѓорче Петров.
Без струја од 10 до 12 часот ќе бидат и селата Ракитец и Горни и Долни Липовиќ, како и дел од селото Ангелци во Струмичко. Од 9 до 14 часот ќе има кратко исклучување на целото село Радичево, Владевци, Сушево и Дукатино во струмичко.
Во периодот од 10 до 14:30 часот без електрична енергија ќе биде дел од селото Грдовци во Кочанско, додека од 10 до 16 часот селото Големо Илино во Битола.
Селото Аргулица во Штипско ќе нема струја од 12 до 16 часот, а улицата „Рашанец“ во селото Лескоец ќе биде без струја од 12 до 16 часот.
Во временскиот интервал од 9 до 15 часот во Прилепско без електрична енергија ќе биде селото Норово, од 9 до 16:30 часот корисниците во близина на затворот, додека од 9 до 16 часот дел од селото Саждево.