На Украина и е потребен силен лидер, а не еден од оние бандити кои до сега беа на власт, па макар тоа да е и жената со насмевка на ангел или средена фризура, изјави претседателот на Чешка, Милош Земан.
Тој смета дека на Украина не може да и помогне ниту ЕУ, бидејќи парите ќе исчезнат во рацете на олигарсите.
Обраќајќи се пред студентите во градот Храдец Карлове, Земан не ја отфрли можноста Украина да стане дел од ЕУ, но додаде дека тој пат е долг околу 15 години, за што е потребно спроведување на неопходни реформи.
-Што се однесува до руско-украинските односи, Киев има многу силен противник- рече Земан додавајќи дека рускиот претседател Владмир Путин е„ ладнокрвен шахист“, кој знае да ја искористи слабоста на соите противници.
Е. Г.