Политичките партии денеска ја продолжуваат кампањата за предвремените парламентарни избори и за вториот круг од претседателските избори закажани за 27 април.
Коалицијата „За подобра Македонија“ предводена од ВМРО-ДПМНЕ и кандидатот за претседател Ѓорге Иванов денеска митинзи ќе одржат во Виница и Берово, а средби со граѓани во Пехчево.
Кандидатите за пратеници на ДУИ ќе имаат митинг во Ресен и средби со граѓани во Битола.
Демократската партија на Албанците ќе одржи митинг во Студеничани.
ГРОМ ќе одржи митинг во општина Бутел, а ќе има и средби со граѓани во општините Карпош, Чаир и Аеродром.
Претседателот на Алијанса за позитивна Македонија Љупчо Зиков ќе го посети СОС Детско село во Скопје.