Германската канцеларка Ангела Меркел денеска за време на состанокот со кинескиот премиер, Џијабао, изјави дека за решавањето на кризата во еврозоната потребна е апсолутна „политичка волја“ за зајакнување на еврото.
„Му соопштив на кинескиот премиер дека во моментов се спроведуваат бројни реформи и дека постои апсолутна политичка волја еврото повторно да се претвори во силна валута“, рече Меркел по средбата.
Кинескиот премиер соопшти на заедничката прес-конференција дека зборовите на Меркел во врска со еврото му дале доволно доверба и најави дека Кина ќе продолжи да инвестира. Притоа предупреди дека патот на закрепнување нема да биде толку лесен.
Според него, Кина отсекогаш верувала во еврозоната и се радува што европските земји се повеќе ја користат кинеската валута во трговијата и економските трансакции.
Неговата посета на Германија и средбата со Меркел е пропратена со делегација од најмалку 100 члена. Двете страна најавија и склучување на осум официјални договори помеѓу земјите и неколку бизнис зделки.