Делегација на македонската влада, предводена од премиерот Никола Груевски, од денеска ќе престојува во политичко економска посета на Соединетите држави и Канада.
Премиерот Груевски ќе присуствува на Конвенцијата на Републиканската партија во градот Тампа, како и на Конвенцијата на Демократската партија во градот Шарлот.
Во рамките на посетата е предвиден во кој министерот за финансии Зоран Ставрески, министерот за привлекување странски инвестиции Бил Павлески и директорот на Дирекцијата за технолошко индустриски развојни зони Виктор Мизо, заедно со премиерот ќе ги презентираат можностите за странските инвеститори во Македонија.
Презентации ќе се одржат пред претставници на повеќе од 300 американски и канадски компании и ќе има директни средби со менаџерските тимови на над 50 потенцијални инвеститори.