Лидерот на зелените во Европскиот парламент Даниел Кохн-Бендит кој требаше да ја добие почесниот Орден на градот Стразбур, поради неговиот став за преселување на Европскиот парламент во Брисел, нема да биде одликуван, јави дописникот на МИА од Париз.
Одлуката за тоа ја донесе градоначалникот на Стразбур, Ролан Риес, откако Даниле Кохн- Бендит во неговата утринска хроника на приватното радиот Еуроп 1, отворено се заложи за дефинитивно преселување на Европскиот парламент од Стразбур во Брисел.
На местото на Европскиот парламент, поточно во неговата зграда во Стразбур, тој предложи да се инсталира европски универзитет.
Ова не е нова идеја на Бендит и таа не ја делат неговите сопартијци од Алзас.
Но, тој ја изнесе само неколку дена пред предвиденото одликување на 26 февруари, кога покрај него требаше да бидат одликувани и европратеникот од Алзас Жозеп Дол (претседател на групата на Народните партии во ЕП и претседател на ЕНП), луксембуршката европратеничка Астрид Лулинг – доајен во ЕП и вице-претседателот на ЕП, Мигуел Ангел Мартинез – европратеник од Шпанија.
– Даниел Кохн-Бендит изгледа дека е заробеник на про-бриселските лобисти и повеќе нема критички ставови кои го прославија во минатото, оцени во своето коминике градоначалникот на Стразбур.