Тој е предизвик дури и за најдобрите пливачи, а многу нуркачи едвај чекаат да го допрат дното. Станува збор за најдлабокиот затворен базен на светот – Немо 33.
Овој неверојатен комплекс, сместен во Брисел, има 34.5 метри длабок базен со 2.5 милиони литри вода.
Во него се сместени неколку подводни пештери и прозори преку кои можат да се набљудуваат нуркачите.
Водата се одржува на температура од 30 степени и постојано се филтрира.
Дизајнер на комплексот е белгискиот нуркач Џон Бернартс.