ВМРО-ДПМНЕ во реакција на денешната прес-конференција на потпретседателот на СДСМ Гордан Георгиев прашува дали во време на СДСМ струјата и парното не поскапувале и дали тогаш Владата ги носела одлуките или Регулаторна комисија изгласана од мнозинствот на СДСМ во Собранието.
Дали Георгиев знае колку проценти за време на СДСМ поскапеа струјата и парното? Дали Георгиев знае кој го донесе ЕВН во Македонија и му го даде на тацна државното ЕСМ за евтини пари и дали знае дека токму ЕВН е главниот барател на покачувањето на цената на струјата што и самата компанија не го крие?, наведува ВМРО-ДПМНЕ во реакцијата.
Владејачката партија воедно упатува прашање до Георгиев дали знае кој во тоа време бил против приватизацијата на ЕСМ на ЕВН и жестоко се спротивставувал, предупредувајќи дека тоа долгорочно ќе значи зголемување на цената на струјата.
Дали Георгиев помни додека тој глумеше „невладин активист“, колку пати Црвенковски јавно ветуваше дека струјата нема да поскапи, а таа поскапуваше веќе следната недела? Дали треба да му ги извадиме снимките од тие ветувања на Црвенковски, за да се отрезни чија марионета е станат?, посочува ВМРО-ДПМНЕ.