За чистењето на коритото на езерото Треска, потрошени се над 200.000 евра, а главен проблем зошто езерото не е функционално, се загадените води на реката Треска, велат од градската власт.
Оттаму информираат дека постојат анализи на квалитетот и чистотата на водата кои се влеваат во Езерото Треска, а направени се обиди да се донесе чиста вода во езерото и преку ископување на бунари, кои за жал се покажаа како недоволно издашни за да го наполнат езерото.
Градот Скопје во овој момент изработува Студија за Јавно приватно партнество односно се подготвува тендерската документација за избор на најповолен понувач. Со овој чекор сметаме дека ќе дојдеме до конечно решение за функционирањето на езерото Треска – велат од Градот.