1.144 деца загинаа или се повредени годинава во Украина

Од:

Бројот на деца убиени или повредени во војната во Украина оваа година е опасно блиску до нивото од 2022 година – првата и најсмртоносна година од конфликтот.

Според податоците на УНИЦЕФ, агенцијата на ОН за деца, бројот на жртви во 2024 година веќе го надмина оној од минатата година, пренесува Ројтерс.

Зголемувањето на бројот на жртви се должи на засилените руски напади. Обединетите нации наведуваат дека оружјето со долг дострел е главната причина за цивилните жртви.

Русија, од друга страна, постојано негира дека намерно гаѓа цивилни цели во Украина.

Од УНИЦЕФ соопштија дека во првите десет месеци од оваа година, најмалку 1.144 деца се убиени или повредени во Украина. Оваа бројка е многу блиску до вкупниот број од 1.386 деца жртви, кои беа евидентирани во текот на 2022 година.

Според Луиз Вотериџ од УНИЦЕФ, до крајот на октомври загинаа 114 деца, а 1.030 се повредени.

Обединетите нации потврдија околу 270 напади врз образовни установи оваа година. Еден пример е градинка во киевскиот кварт Соломјански, која на 7 ноември беше погодена по вторпат.

Би можело да ве интересира

Париз би можел да ја промени политиката кон Москва и Киев по претседателските избори

Русија изврши масовен напад врз Киев и неколку украински региони, оштетени се три моста

Горан Наумовски

Рјабков: Членството на Украина во НАТО е неприфатливо

На Украина ѝ се потребни 115 милијарди долари за 2027 година

Мицкоски во Берлин на состанокот посветен на Украина: Ја потврдивме поддршката за постигнување праведен и траен мир преку дијалог, дипломатија и координација со нашите сојузници

Путин: Украина и Европа сè уште не се подготвени за компромис