Турскиот претседател Реџеп Таип Ердоган разговараше телефонски со американскиот претседател Доналд Трамп за турско-американските билатерални односи, како и за регионалните и глобалните случувања, соопшти денеска кабинетот на Ердоган.
За време на разговорот, Ердоган изјави дека ќе продолжи да работи на развојот на односите меѓу Турција и Соединетите Држави – кои следната година ќе одбележат 100 години од воспоставувањето дипломатски врски – како и на интензивирање на соработката во сите области, пренесува агенцијата Анадолија.
Ердоган изјави дека, како членка на заедничкиот одбранбен сојуз со седиште во Мека, внимателно ги следи случувањата во Ормутскиот теснец и во Јемен, и настојува прашањето да се реши по дипломатски пат.
Тој додаде дека Турција е подготвена да ги поддржи напорите за заживување на дипломатскиот процес меѓу Украина и Русија, како и за ставање крај на конфликтот на тој начин.
Како што беше пренесено, Трамп им честиташе на Ердоган и на турскиот народ за Денот на Републиката, кој Турција го слави на 29 октомври.