Денес во писарницата на Народното собрание на Република Српска беше примена електронска пошта што содржи закани. Во пораката се спомнува џихад и се повикува на „ликвидација на сите крстени луѓе“, како и на собирање средства и оружје за „Исламската Република“.
Пораката содржи и низа други, неповразани барања, а авторот се претставува како припадник на „џихадот во БиХ“.
„Службата на Народното собрание на Република Српска ја проследи оваа порака до надлежните органи во рамките на Министерството за внатрешни работи за понатамошно постапување“, соопштија од Кабинетот на претседателот на Народното собрание на Република Српска.
Во заканувачката порака, насловена „Барање во врска со дејствување против крстените луѓе“, меѓу другото, се наведува:
„Обезбедете пари, отрови и алатки за осакатување на крстените деца и граѓани – а доколку е можно, осигурајте и нивна смрт за да спречите навлегување на вируси во носовите на чесните и исправни муслимани – како и сè друго потребно за функционирање на џихадот во градот Приедор и низ цела исламска БиХ.“