Според извештаите, цената на нафтата „Брент“ денеска се искачи на 116 долари за барел, достигнувајќи го највисокото ниво од јуни 2022 година, додека цената на суровата нафта надмина 102 долари за барел – највисоко ниво во последните пет недели.
Цените оваа недела пораснаа за околу три отсто, што претставува трета последователна недела на раст, објави „Trading Economics“.
Зголемувањето на цените доаѓа во услови на растечки очекувања дека САД би можеле повторно да извршат напади врз Иран во наредните недели.
Шефот на иранската армија изјави дека вооружените сили на земјата се подготвени за асиметрично војување, откако претходно ги зајакнаа своите воени капацитети.
Во меѓувреме, американскиот претседател Доналд Трамп изјави дека Вашингтон не преговара со Техеран и навести дека наскоро би можело да се случи нешто значајно.
Според медиумските извештаи, американски и израелски претставници изготвиле планови за обновување на нападите по американските избори на средината на мандатот. Регионалните тензии дополнително се зголемуваат, бидејќи јеменските Хути, поддржани од Иран, продолжуваат со нападите врз Саудиска Арабија.
Американскиот Стејт департмент нареди персоналот чие присуство не е неопходно да ја напушти земјата, а саудиската нафтена компанија „Арамко“ им наложи на вработените да го напуштат седиштето во Дахран и да преминат на работа од далечина.