Американскиот претседател Доналд Трамп го критикуваше денеска „Фокс њуз“ обвинувајќи го тв каналот дека посветува прекумерно време на емитување на одбраната и платформите на демократските противници.
„Фокс поминува повеќе време бранејќи ги „демократите“ и презентирајќи ги нивните ставови против нивниот републикански противник отколку во кое било време во историјата на „Фокс њуз“, напиша Трамп на својата платформа за социјални медиуми, „Трут Сошнал“.
Тој го нарече уредничкиот пристап на мрежата „смешен“, тврдејќи дека „премногу се обидува да биде политички коректна“.
Претседателот на САД ги повика поддржувачите да ја заобиколат мрежата и да го гледаат неговиот митинг во државата Канзас на „Рајт Сајд Бродединг Нетворк“ (RSBN).
Критиката следи по шема на жалби упатени од американскиот претседател, кој претходно го обвини каналот дека нуди повеќе време на емитување на кандидати кои не се републиканци.
Иако традиционално се смета за симпатизер на конзервативните ставови и поддржувач на агендата на Трамп, „Фокс њуз“ повремено добива јавни прекори од американскиот лидер, кој одржува борбен став кон корпоративните новински организации воопшто.