Пожар избувна денес на универзитетот во францускиот град Руен и уништи голем дел од фасадата и покривот, објави RTL. На снимки објавени на социјалните мрежи се гледа како фасадата на зградата гори.
Пожарникарите беа известени за пожар во зградата на Филозофскиот факултет, лоцирана во Мон-Сен-Ењан, а пожарот е изгаснат два часа подоцна.
На лице место беа испратени околу 50 пожарникари и 30 возила.
Започната е истрага за да се утврди причината за пожарот, кој, според првичните сознанија, бил предизвикан намерно. Извор близок до истрагата изјави дека пожарот започнал во куп ѓубре во близина на влезот на зградата. Според RTL, засега не е утврдена никаква поврзаност со протестите што денес се одржаа во неколку француски градови.