Најмалку три лица загинаа во поплавите предизвикани од обилните дождови во Истанбул, додека четворица се водат како исчезнати, соопшти денеска канцеларијата на гувернерот на Истанбул.
Обилните врнежи доведоа до излевање на водотеците, поплавување на куќи, деловни објекти и патишта, како и до сериозни сообраќајни проблеми.
Како што пренесува „Си-Ен-Ен Турк“, 34-годишен маж почина во болница откако падна и удри со главата од тротоарот додека се обидуваше да ја премине улицата, додека 14-годишно момче настрада од струен удар во населбата Фатих.
Телото на третата жртва е пронајдено заглавено во носечка конструкција на мост во близина на паркот Садабат, во општината Кагитане, а постапката за идентификација е во тек.
