Трите долни ката од станбена зграда со седум ката се урнаа утринава во истанбулската населба Џевизли, во општината Малтепе, а спасувачките екипи сè уште трагаат по луѓе кои можеби се наоѓаат под урнатините.
“THE WORK CONTINUES WITHOUT INTERRUPTION.”
▪️#Türkiye Minister of Environment, Urbanization & Climate Change Murat Kurum stated, “Following the collapse of a building in the Cevizli neighborhood of #Maltepe, #Istanbul, our Provincial Directorate teams, under the coordination of the Governorship, have begun investigations and work in the area.
▪️Our state is on the ground with all its institutions and resources. Work is continuing uninterrupted with great care and determination, leaving no possibility unconsidered, in order to reach our citizens under the rubble as quickly as possible. We wish all our citizens a speedy recovery.
https://t.co/CkXzy8hdPG— ⚡️🌎 Sarwar 🌐⚡️ (@ferozwala) October 8, 2026
Според последните информации од турските медиуми, осум лица, меѓу кои и три деца, се извлечени живи од урнатиот дел на зградата. Во тек е потрага по уште шест лица.
Уривањето се случило околу 5:40 часот наутро по локално време на улицата Догу, во населбата Џевизли.
Според податоците објавени од агенцијата „Анадолија“, се урнале првите три нивоа од седумкатницата, додека горните катови останале да стојат. Станарите од деловите на зградата што не биле зафатени од уривањето се евакуирани од објектот.
На местото на несреќата веднаш биле испратени припадници на турската Управа за управување со вонредни состојби (АФАД), пожарникари, Националниот тим за медицинско спасување (УМКЕ), полиција и медицински екипи. Во потрагата се користат и кучиња-трагачи, а на терен се испратени бројни специјализирани возила и градежни машини.
#Breaking
🚨Three floors of a seven-story building collapsed in #Maltepe! Search & rescue operations are underway in the rubble.▪️The building, which has 12 apartments, reportedly housed 33 people. Contact has been made with four of the seven people trapped in the rubble.
#Istanbul #Turkiye
https://t.co/ATtGjCahwe https://t.co/QXZmOrom6H— ⚡️🌎 Sarwar 🌐⚡️ (@ferozwala) October 8, 2026
Според агенцијата „Анадолија“, во акцијата учествуваат 56 противпожарни возила со 175 припадници, додека АФАД (AFAD) ангажираше пет возила, 25 припадници и две кучиња за пребарување на урнатините.
Патиштата во близина на зградата се затворени, а пошироката област околу објектот е оградена од безбедносни причини.
Посебен проблем претставува опасноста од дополнително уривање на преостанатите делови од зградата. Поради тоа, спасувачите влегуваат во објектот контролирано и внимателно, додека истовремено продолжува пребарувањето на урнатините.
Според извештаите, од претпазливост биле евакуирани и околните згради.
Зградата е изградена во 1987 година и, според податоците објавени од турските власти, во неа биле пријавени 33 станари.
🚨#Istanbul Governor Davut Gül stated that 5 people had been rescued, adding, “Contact has been established with 4 of the 7 people.
▪️The efforts continue. Search & rescue operations are ongoing for the remaining 3 people.”Governor Gül added that the rescued individuals were in good health.
▪️Three floors of a seven-story building collapsed in #Maltepe!
#Turkiye
https://t.co/pvRt1xTYxx https://t.co/I6I8hAdSCE— ⚡️🌎 Sarwar 🌐⚡️ (@ferozwala) October 8, 2026
Во делот од зградата што се урнало имало четири стана, додека деловниот простор во приземјето, според агенцијата „Анадолија“, бил празен.
Причината за уривањето засега е непозната. Властите покренаа истрага за да утврдат што довело до уривање на долните катови. Во турските медиуми се појавија разни шпекулации за можни структурни проблеми, но ниту едно од тие тврдења досега не е официјално потврдено како причина за несреќата.
Спасувачката операција продолжува, а екипите се обидуваат да стигнат до сите лица за кои се верува дека се наоѓаат под урнатините.