Кошаркарскиот тренер Антонио Савески (33) е лицето кое синоќа го изгуби животот во сообраќајната несреќа на патот Охрид – Кичево. Тој беше познат како тренер во младинските категории. Според МВР, Савески со возилото удрил во кучиња скитници, а потоа и во металните браници на патот, при што автомобилот се запалил.
Откако бил изгаснат пожарот, било пронајдено телото на починатиот возач и испратено на обдукција и за утврдување на идентитетот.
Савески e поранешен тренер на ГКК Охрид, каде што ги започнал своите тренерски чекори, а од него се простија и од Водно Санс, каде што бил долгогодишен тренер и вработен.
„Пред сè другарчина, страствен како човек и тренер, но и на светско ниво познат колекционер на дресови“, порачаа од Водно Санс.
„Ќе ни фалиш на сите до еден Тонка. Слава му“, стои во нивната порака.