Над 17.000 лица ја напуштиле македонската држава за последните 24 часа преку гевгелискиот граничен премин со Грција во последните 24 часа, а околу 16.000 влегле во Македонија низ истата граница, покажуваат последните податоци од Министерството за внатрешни работи.
Зголемениот број на возила кои чекаат за излез од државата го блокираа сообраќајот на двата гранични премини во Гевгелија и Дојран, во последните неколку часа, создавајќи километарска колона во Стар Дојран.
– На граничниот премин „Богородица“ од вчера до денес на пладне влез во државата оствариле 5864 македонски државјани, а излез оствариле 5948. Што се однесува до странските државјани во истиот период влез во нашата држава оствариле 10249, а ја напуштиле нашата држава 11648 лица, информираа од МВР.
На граничниот премин „Дојран“, во истиот период, според податоците со кои располага МВР, влез во државата оствариле 399 македонски државјани, а излез оствариле 1104, додека бројот на странски државјани кои влегле во нашата држава изнесува 1295, а ја напуштиле нашата држава 1174 лица.
Од МВР соопштуваат дека ги преземаат сите мерки и во функција се ставени сите човечки и технички капацитети за да се забрза протокот на патници, со спроведување на задолжителните гранични проверки.