Во Радовиш вчера полициски службеници го лишија од слобода Р.Л.(72).
Според пријавеното, завчера вечерта околу 22 часот на ул. „Благој Мучето“ во Радовиш се слушнал истрел од оружје, по што на улицата е забележано усмртено куче.
По преземени мерки од страна на полициски службеници е утврдено дека во кучето пукал Р.Л., кој во службен разговор го призна делото, а од него е одземена и ловната пушка „застава м75“ со која го изврши делото, а која ја поседува со дозвола.
Увид на местото е извршен од инспектор за храна и ветеринарство, ветеринарен лекар и екипа на ОВР Радовиш, при што е утврдено дека кучето е сопственост на Д.М. од Радовиш.
Известен е јавен обвинител од Основното јавно обвинителство Струмица и по документирање на случајот против Р.Л. ќе биде поднесена кривична пријава.