Белорускиот претседател Александар Лукашенко денес изјави дека „квалитетот на војната“ во Украина веднаш ќе се промени ако Киев ја вовлече Белорусија во неа и додаде дека неговата земја ќе застане на страната на Русија во секоја ситуација.
„Претставници на Зеленски неодамна беа на ова место. Јас директно им реков: „Луѓе, кажете му на вашиот претседател: ако мисли дека може да разговара со нас вака, а потоа да нè вовлече во војна, тогаш мора да разбере дека квалитетот на војната ќе се промени веднаш. Ова ќе биде сосема поинаква војна“, рече белорускиот лидер, пренесува Белта.
Лукашенко, за време на средбата со гувернерот на Московскиот регион, Андреј Воробјов, рече дека добил одговор дека украинската страна и претседателот Зеленски го разбираат ова, поради што повика на преговори и постигнување суштински договор.