Претседателот на Русија, Владимир Путин, изјави дека руските вооружени сили напредуваат во сите правци на фронтот во Украина и дека „непријателот не е во состојба да го ограничи овој наплив и прибегнува кон терористички методи“.
Рускиот претседател оцени дека со „специјалната воена операција“ е постигнато многу, но дека сè уште има нерешени прашања, пренесува ТАСС.
„Повторувам, не треба само да обновиме и поправиме сè што беше уништено и оштетено, туку да поставиме темели за фундаментална трансформација на економијата и индустријата. Треба да обезбедиме сите области од животот во овие региони да добијат силен поттик за развој, за да можат луѓето да видат вистински промени на подобро. Ова е нашата клучна национална задача“, нагласи Путин на состанокот за интеграцијата на самопрогласената Донецка Народна Република (ДНР), Луганската Народна Република (ЛНР), Запорошката и Херсонската област.