СДСМ: Мицкоски рутинска работа ја претставува како дипломатска победа

Од:

Мицкоски го претстави изборот на Македонија во Економскиот и социјалниот совет на Обединетите нации (ЕКОСОК) како „историски успех“ и голема дипломатска победа. Ова е класичен пример на PR и пропаганда во отсуство на реални резултати. ЕКОСОК има 54 членки, а секоја година се бираат 18 нови членки за мандат од три години. Тоа е рутинска процедура во рамките на Обединетите нации, а не некој посебен дипломатски подвиг, велат од СДСМ.

– Oвој избор е резултат на долгорочна дипломатска работа која ја воделе повеќе влади, а не само актуелната. Наместо да се фокусира на вистинските приоритети, владата на Мицкоски и Муцунски се обидува да создаде илузија на некаков голем успех преку вакви рутински дипломатски активности. Вистински успех за Македонија би било почеток на преговори со ЕУ, да се продолжи европскиот пат на земјата.

Тоа би значело реално отворање на можностите, нови инвестиции, подобар животен стандард и перспектива за младите. Наместо тоа, граѓаните добиваат тригодишен мандат во една комисија на ОН и голема пропагандна кампања. СДСМ уште одамна порачува: доста е со мачкањето очи. Владата нема резултати во европските интеграции, затоа се обидува да ги претстави обичните дипломатски активности како големи победи. Граѓаните не заслужуваат пропаганда – заслужуваат резултати. Реформи сега. Малцинства во Уставот сега. Европа сега, велат од партијата.

Би можело да ве интересира

Филипче: Мицкоски да одговори зошто со законски измени се брише одредбата за уплата на 6% во вториот столб?

Спортска сала, мамограф и патни инвестиции – премиерот Мицкоски најави нови проекти за Делчево и регионот

Мицкоски: Реалната нето-плата е за 5,2 отсто поголема, во владата на СДСМ и ДУИ беше намалена за пет отсто

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

СДСМ: Крпен живот, кошничката се доближи до 71.000 денари – само за храна се потребни 26.000 денари

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка