Ванче Шиков од денеска веќе не е дел од стручниот штаб на фудбалската репрезентација на Македонија. Во наредниот период ќе биде именувана негова замена во националниот тим.
„Фудбалската федерација на Македонија информира дека Ванче Шиков повеќе не е дел од стручниот штаб на А репрезентацијата на Македонија.
Селекторот Гоце Седлоски во наредниот период дополнително ќе одреди замена на неговата позиција. Му благодариме на Ванче Шиков за досегашниот ангажман и придонесот во работата со националниот тим и му посакуваме многу успех во понатамошната кариера“, се вели во соопштението на веб сајтот на ФФМ.