Украинскиот конфликт може да заврши, врз основа на меѓународно формализиран договор, во форма на капитулација на режимот во Киев, изјави денес портпаролката на Министерството за надворешни работи на Русија, Марија Захарова.
„Секој конфликт завршува со договор. Меѓународно формализиран, ако е меѓународен конфликт. Капитулација, на пример. Што е тоа? Секако, договор – потпишан, формализиран, заверен. Договор меѓу страните за прекин на конфликтот. Што е тоа? Ова, секако, е потпишано и од страните“, објави Захарова.
Дополнително, Захарова истакна дека веќе не е тајна дека Западот и Киев немаат апсолутно никаква совест кога станува збор за решавање на украинскиот конфликт.
„Водејќи преговори со надеж дека ќе се вразумат, дека ќе разберат и ќе се освестат, повикувајќи се на својата совест, мислам дека веќе го надминавме тоа. Резултатот исто така постои“, изјави таа.
Зборувајќи за довербата, Захарова рече дека во овој контекст не може да стане збор за доверба во западните земји.
„Дури и кон своите сојузници, најблиски партнери и сопствените граѓани, тие немаат совест. Ова се манифестира на различни начини. Затоа, во таа смисла, таков пристап едноставно не може да се дискутира“, заклучи портпаролката на руското МНР.