Автомобилистичката федерација, членка на Светската автомобилистичка федерација (FIA) објави дека одржувањето на седмото традиционално Женско Рели 2026, што и оваа година ќе ги обедини жени љубители на мотоспортот, адреналинот и тимскиот дух ќе се случи на 15.03 (недела), со почеток во 10:30ч, на големиот паркинг на СЦ Борис Трајковски во Скопје.
За учество во релито веќе има пријавено над 100 учеснички, а конениот број се очекува да биде и поголем, имајќи предвид дека пријавувањето трае до недела. Екипите составени од возач и совозач ќе поминат градска рута, а потоа ќе ја покажат својата вештина и умешност зад воланот во втората етапа – спретно возење на затворен паркинг во безбедни услови, меѓу конуси.
Женско Рели има за цел да ја промовира улогата на жените во мотоспортот, тимската работа и позитивната енергија, како и да ја подигне свеста за безбедност во сообраќајот.