Неодамна објавената информација од порталот „Танго сикс“ дека српската армија има нова суперсонична квазибалистичка ракета од кинеско производство CM-400, со дострел од најмалку 250 километри, предизвика бројни реакции од официјален Загреб, а премиерот Андреј Пленковиќ вели дека ова е новина во арсеналот на српската армија и дека ќе го предупреди НАТО.
Пленковиќ ова го изјави во Пожега, коментирајќи дали претставува опасност за соседните земји
„Што се однесува до можностите на хрватската армија, сите овие години инвестиравме многу во неа. Хрватска е членка на НАТО и ги следиме процесите што се случуваат во Србија. Во секој случај, не очекуваме дека поседувањето на толку сериозно оружје во кој било сценарио би можело да доведе до негова употреба против соседните земји, Хрватска или која било друга“, рече Пленковиќ, пренесе ХРТ.